يا قديس لمن عنا …. يا شربل صلي عنا…

يا قديس لمن عنا، يا شربل صلي عنا

ضويت سراجك بالمي، ضوي العتمة بموطنا

التلة والوادي، أهلي وبلادي، كلتنا منصليلك يا شربل انت منا

– بقاعكفرا وعنايا أرض مقدسة، يا جبال وودايا صوب المحبسة

طاعة وفقر لاله، طهر وحب تجلى،وللفادي شو صلى شربل وتمنى

– بعنايا وجربتا قديسة وقديس، رفقا نعمة طلبتا وشربل الحبيس

ويا كرمة الفادي بعنقودين تهادي،بخمرتهن يا بلادي قلبك يتهنى

-شربل الله اختارك من بين الرهبان،رفيقك بمشوارك قديس كفيفان ونعمة الله زيادي يا أطيب زوادي،ويا تلميذ الفادي بحبو زينا

– شربل ابن بلادي سكران بالله، سمعتو عم بينادي ولبلادي يقلا

يا بلادي الحنونة بدي متلي تكوني تكل المسكونة باسمك تتغنى

 

No Comments Yet.

Leave a comment